ກະຊວງຍຸຕິທຳມອບຫລຽນກາລະນຶກເພື່ອພາລະກິດຍຸຕິທຳໃຫ້ ເອກອັກຄະລັດຖະທູດລາວປະຈຳ ຫວຽດນາມ

ກະຊວງຍຸຕິທຳມອບຫລຽນກາລະນຶກເພື່ອພາລະກິດຍຸຕິທຳໃຫ້ ເອກອັກຄະລັດຖະທູດລາວປະຈຳ ຫວຽດນາມ

ໃນວັນທີ 10 ພຶດສະພາ, ທີ່ ກະຊວງຍຸຕິທຳ, ນະຄອນຫລວງ ຮ່າໂນ້ຍ, ສສ. ຫວຽດນາມ ໄດ້ຈັດພິທີ ມອບຫລຽນກາລະນຶກ “ເພື່ອພາລະກິດ ຍຸຕິທຳ” ໃຫ້ແກ່ ສະຫາຍ ທອງສະຫວັນ ພົມວິຫານ, ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ. ຫວຽດນາມ ທ່ີມີຜົນງານດີເດັ່ນປະກອບສ່ວນເຂົ້າໃນການພັດທະນາຂອງຂະແໜງການຍຸຕິທຳ ຫວຽດນາມ, ຊຶ່ງ ເຂົ້າຮ່ວມພິທີຄັ້ງນີ້ມີ ການນຳຈາກກະຊວງຍຸຕິທຳຫວຽດນາມ ແລະ ພະນັກງານສະຖານທູດລາວ ປະຈຳ ຫວຽດນາມ. ໃນພິທີ, ສະຫາຍ ເລແທ່ງລອງ, ກຳມະການສູນກາງພັກ, ລັດຖະມົນຕີກະຊວງ ຍຸຕິທຳ ຫວຽດນາມ ໄດ້ມອບຫລຽນກາລະນຶກ “ເພື່ອພາລະກິດ ຍຸຕິທຳ” ໃຫ້ ສະຫາຍ ທອງສະຫວັນ ພົມວິຫານ ທີ່ໄດ້ປະກອບສ່ວນໃນການເພີ່ມພູນຄູນສ້າງຄວາມສຳພັນ ລະຫວ່າງ ລາວ-ຫວຽດນາມ ເວົ້າລວມ, ເວົ້າສະເພາະແມ່ນ ສອງກະຊວງຍຸຕິທຳ ລາວ-ຫວຽດນາມ ໃນໄລຍະຜ່ານມາ ແລະ ອວຍພອນໃຫ້ ສະຫາຍ ທອງສະຫວັນ ພົມວິຫານ ຈົ່ງປະສົບຜົນສຳເລັດໃນໜ້າທ່ີການງານ ຊຶ່ງພັກ-ລັດ ມອບໝາຍໃຫ້.

ສະຫາຍ ທອງສະຫວັນ ພົມວິຫານ ໄດ້ກ່າວສະແດງຄວາມຂອບໃຈ ຕໍ່ກະຊວງຍຸຕິທຳ ທີ່ໄດ້ມອບຫລຽນກາ “ເພື່ອພາລະກິດ ຍຸຕິທຳ” ໃນຄັ້ງນີ້, ຂອບໃຈຕໍ່ການເອົາໃຈໃສ່ ແລະ ການຮ່ວມມືຢ່າງໃກ້ຊິດ ລະຫວ່າງ ກະຊວງຍຸຕິທໍາລາວ ແລະ ຫວຽດນາມ ໃນໄລຍະຜ່ານມາ ແລະ ຫວັງວ່າ ຄວາມຮ່ວມມືດັ່ງກ່າວ ຈະຍິ່ງໄດ້ຮັບການເສີມຂະຫຍາຍ ແລະ ພັດທະນາຢ່າງບໍ່ຢຸດຢັ້ງ.

Chưa có bình luận nào

Tin khác đã đăng