ການນໍານະຄອນຮ່າໂນ້ຍ ຕ້ອນຮັບຄະນະຜູ້ແທນຄະນະຊາວໜຸ່ມລາວ ການນໍານະຄອນຮ່າໂນ້ຍ ຕ້ອນຮັບຄະນະຜູ້ແທນຄະນະຊາວໜຸ່ມລາວ

ວັນທີ 18 ມິຖຸນາ, ທ່ານ ດ່າວດຶກຕວ່ານ ຮອງເລຂາພັກ ນະຄອນຮ່າໂນ້ຍ ໄດ້ໃຫ້ການຕ້ອນຮັບຄະນະຜູ້ແທນຄະນະຊາວໜຸ່ມນະຄອນຫຼວງວຽງຈັນ, ນໍາໂດຍທ່ານນາງ ສຸມາລີ ທໍາມະວົງ, ເລຂາຄະນະບໍລິຫານງານຊາວໜຸ່ມ ປປລ ນະຄອນຫຼວງວຽງຈັນ.

ທີ່ການຕ້ອນຮັບ, ທ່ານນາງ ສຸມາລີ ທໍາມະວົງ ໄດ້ລາຍງານຕໍ່ທ່ານ ດ່າວດຶກຕວ່ານ ກ່ຽວກັບໝາກຜົນການພົບປະ, ເຈລະຈາລະຫວ່າງຄະນະຊາວໜຸ່ມນະຄອນຮ່າໂນ້ຍ ແລະຄະນະຊາວໜຸ່ມນະຄອນຫຼວງວຽງຈັນ ໃນວັນທີ 17 ມິຖຸນາ. ສອງຝ່າຍໄດ້ຮ່ວມມື, ແລກປ່ຽນບົດຮຽນ, ຜັນຂະຫຍາຍບັນດາຂໍ້ຕົກລົງ ແລະຍົກອອກທິດທາງ, ໜ້າທີ່ໃນໄລຍະຈະມາເຖິງ. ບົນພື້ນຖານນັ້ນ, ຄະນະຊາວໜຸ່ມສອງນະຄອນຫຼວງ ຈະຜັນຂະຫຍາຍຫຼາຍເນື້ອໃນຮ່ວມມືປະກອບສ່ວນເພີ່ມພູນຄູນສ້າງນໍ້າໃຈມິດຕະພາບລະຫວ່າງຫວຽດນາມ ແລະລາວ.

ທ່ານ ດ່າວດຶກຕວ່ານ ຮອງເລຂາພັກນະຄອນຮ່າໂນ້ຍ ຕ້ອນຮັບຄະນະຜູ້ແທນຄະນະຊາວໜຸ່ມນະຄອນຫຼວງວຽງຈັນ.

ຕ່າງໜ້າການນໍານະຄອນ, ທ່ານ ດ່າວດຶກຕວ່ານ ຢືນຢັນວ່າ, ໃນສາຍພົວພັນສະໜິດຕິດພັນລະຫວ່າງສອງປະເທດ ຫວຽດນາມ-ລາວ ມີການປະກອບສ່ວນບໍ່ໜ້ອຍຂອງໄວໜຸ່ມສອງນະຄອນຫຼວງ, ພ້ອມທັງຕີລາຄາສູງໝາກຜົນສາຍພົວພັນຮ່ວມມືລະຫວ່າງຄະນະຊາວໜຸ່ມສອງນະຄອນຫຼວງໃນໄລຍະຜ່ານມາ.
ຄຽງຂ້າງທ່າແຮງກ່ຽວກັບວຽກງານຊາວໝຸ່ມ, ທ່ານ ດ່າວດຶກຕວ່ານ ປາດຖະໜາວ່າ ວຽກງານສົມທົບກັນລະຫວ່າງໄວໜຸ່ມສອງນະຄອນຫຼວງນັບມື້ນັບໄດ້ຮັບການຍົກສູງ. ສອງຝ່າຍເພີ່ມທະວີການຮ່ວມມື, ຍົກສູງປະສິດທິຜົນວຽກງານກໍ່ສ້າງພະນັກງານ, ໜູນຊ່ວຍວິສາຫະກິດໜຸ່ມ, ເສີມຂະຫຍາຍສີສັນວັດທະນະທໍາຊົນເຜົ່າ, ມີການພົບປະແລກປ່ຽນ, ຖອດຖອນບົດຮຽນເປັນປະຈໍາ ເພື່ອພ້ອມກັນພັດທະນາ.
ໂອກາດນີ້, ຕາງໜ້າການນໍານະຄອນ, ທ່ານ ດ່າວດຶກຕວ່ານ ໄດ້ມອບຂອງຂວັນເປັນທີ່ລະນຶກໃຫ້ຄະນະຜູ້ແທນຄະນະຊາວໜຸ່ມນະຄອນຫຼວງວຽງຈັນ.

Chưa có bình luận nào

Tin khác đã đăng